Virusi ya Zika ni imwe muri Virusi ziteza ibyago ku mubyeyi n’umwana atwite birimo kuvukana agatwe gato cyane ,kuvuka igihe kitageze ,kubyara umwana ufite ibiro bike no kuba umubyeyi yakuramo inda cyangwa umwana agapfira mu nda.
Ishami ry’umuryango w’abibumbye rishinzwe ubuzima rya OMS rivuga ko bwa Mbere virusi ya Zika yavumbuwe mu gihugu cya Uganda mu mwaka wa 1947 ,iboneka bwa mbere mu nkende ,ariko yaje no gusangwa bwa mbere mu muntu mu mwaka wa 1952 nabwo mu gihugu cy’Ubugande.
Ku nshuro ya nyuma iki cyorezo cya virusi ya Zika kiboneka ni mu gihug cya Brezili mu mwaka wa 2015 mu kwezi kwa cumi ,aho byagaragariraga ku bana bavukanaga imitwe mito cyane mu bizwi nka microcephally ,aho umwana avukana agatwe gato cyane ndetse abenshi bahita bapfa.
Nyuma yahoo tato iki cyorezo cyaje no kugaragara mu bindi bihugu bitandukanye bigera kuri 85 icyateye ubwoba abantu ni uko gitera ibibazo bihambaye ku bagore batwite.
Indwara ya Zika ni indwara iterwa na virusi yitwa zika akaba arinayo ii zina irivana ,virusi ya zika ikaba yiturira mu mubu witwa Aedes mosquito arinawo uyikwirakwiza.,uyu mubu ukaba ukunze kurumana ku manywa ukanakwanduza.
Ibimenyetso by’indwara ya Zika
Muri rusange ibimenyetso bigaragaza ko wanduye virusi ya Zika bigaragara hagati y’iminsi 3 n’iminsi 14 wanduye .muribyo harimo
1.kugira umuriro
2.kuzana uduheri ku mubiri
3.kurwara infegisiyo z’amaso
4.Kubabara mu ngingo
5.Kubabara mu mikaya
6,Kubabara umutwe
7.kumva ufite umunaniro
Ingaruka za Virusi ya Zika ku mubyeyi utwite
1.Kubyara umwana ufite agatwe gato
2.Umwana kuba yapfira mu nda
3.kubyara umwana upfuye
4.kubyara umwana utagejeje igihe
5.Kuvukana ibindi bibazo birimo kuvukana imikaya idakomeye ,umwana agakura asusumira nk’abasaza
Uburyo iyi virusi yandura
Virusi ya ZIKA yandura urumwa n’umubu uyitera cyane cyane ukarumana ku manywa
Yandura nanone ku mubyeyi uyirwaye ayanduza umwana uri mu nda binyuze mu maraso
Uramutse wongerewe amaraso ayirimo nabwo wayandura
Ishobora no kwandura iyo ukoze imibonano mpuzabitsina n’umuntu uyirwaye
Uburyo bavura Virusi ya Zika
Kugeza ubu nta buryo buzwi bwakoreshwa mu kuvura iyi virusi ,buretse kuvura ibimenyetso byayo gusa.
Uburyo wa kwirinda virusi ya Zika
1Kuyirinda bwa mbere ni ukwirinda kurumwa n’umubu uyitera
2.Kwambara imyenda miremire no kwirinda ko umubu wakuruma wipfuka hose
3.Kurara mu nzitiramubu buri joro cyane cyane ku bana n’abagore batwite
4.Gusenya indiri y’imibu ,utema ibigunda bigukikije no gusiba ibinogo byose byarekamo amazi
5.Kuzirikana ko nta rukingo nta n’umuti igira
Izindi nkuru wasoma
Indwara y’ise : impamvu iyitera,ibimenyetso byayo ,uko wayirinda nuko ivugwa
Ibintu umubyeyi utwita akwiye kwirinda bishobora kwangiza umwana uri mu nda
Uburyo bwiza kandi bworoshye umubyeyi yafashamo umwana kugenda vuba