Nkuko tubikesha ikinyamakuru cya Medical NewsToday kivuga ko gutera akabariro mu gihe utwite , nta ngaruka bishobora kugira ku mwana kubera ko aba ari muri nyababyeyi arinzwe , ku mugore utwite gukora iki gikorwa bishobora kumugirira akamaro kanini cyane.Abagore benshi iyo batwite , ubushake bwo gutera akabariro bushobora kugabanuka ,ibi bigaterwa ahanini n'impinduka mu misemburo zatewe no gutwita .
Abahanga mu ndwara z'abagore bemeza ko gutera akabariro ku mugore utwite nta ngaruka mbi bishobora kumugiraho , haba kuri we no ku mwana atwite , kubera ko umwana aba arinzwe n'ingobyi ,akaba anarinzwe n'amazi azwi nk'isuha (amniotic fluid)
Ariko ku babyeyi bamwe batwite , gutera akabariro muganga ashobora kubikubuza nko mu gihe ufite ikibazo cya placenta previa , aha ni mu gihe ingobyi y'umwana yagiye igafata hafi y'umwinjiriro w'inkondo y'umura .
Ese gutera akabariro utwite nta byago bishobora gutera ?
Nkuko twabivuze dutangira , gutera akabariro mu gihe utwite , nta ngaruka namba bishobora gutera ku mugore utwite ndetse no ku mwana atwite .
Hari abantu bizera ko gutera akabariro bishobora gutuma inda ivamo cyangwa se iakba yagira ikibazo , ariko sibyo
Uko inda igenda ikura . pozisiyo zimwe zo gutera akabariro zishobora kugorana , bityo ni byiza ko mwagerageza izishoboka kandi zoroheye mubyeyi.
Ese gutera akabariro bishobora gutuma ibise biza ?
Nkuko bitangazwa n'ikinyamakuru cya Medical News Today cyandika ku nkuru zivuga ku buzima , kivuga ko ubushakashatsi butandukanye bwagiye bukorwa , bwagaragaje ko gutera akabariro bigashobora gutera ibise.
Ibi bikaba bikuraho urujijo rw'abavuga ko gutera akabariro bishobora gutuma ubyara igihe kitageze , gusa byemezwa ko iyo inda ari nkuru , iri hafi kuvuka gutera akabariro bishobora gutuma ugira ibyitwa false contractions , tugenekereje n'ibise bitari ibya nyabyo.
Ni izihe Pozisiyo nziza zo gutera akabariro mu gihe utwite
Mu gihe utwite , inda ari nkuru , bihobora kugorana mu bijyanye no gutera akabariro , ariko uburyo bwiza bwo gutera akabariro ni uburyo bwose , ibiro by'umugabo bitegamira ku nda y'umubyeyi .
Hari pozisiyo nyinshi zishobora gukoreshwa ariko zose ukirinda ko umugabo yajya hejuru y'umugore , kubera ko kuryama ku nda y'umugore bishobora kwangiza umwana.
Ni ryari umugore utwite agomba kwirinda gutera akabariro ?
Hari igihe muganga agutegeka kwirinda gutera akabariro mu gihe utwite , cyane cyane nko mu bihe bikurikira
- Mu gihe ufite ikibazo cy'inkondo y'umura ku buryo kuyikoraho cyane bishobora gutuma ifunguka ukaba wakuramo inda
- Mu gihe utwite impanga cyane cyane inda imaze gukura si byiza ko watera akabariro inshuro nyinshi
- Ufite ikibazo cya placenta previa
- Ufite ikibazo cya cervical incompetence aho inkondo y'umura iba ifite imbaraga nke ishobora gufunguka byoroshye
- Kuba uva bitunguranye kandi utwite
- kuba amazi y'isuha ameneka
- Kuba ufite indwara z'ama infegisiyo yo mu gitsina
Akamaro ko gutera akabariro mu gihe utwite
Gutera akabariro mu gihe utwite bifite ibyiza n'alamaro kanini ku mubiri w'umugore , ako kamaro ni aka gakurikira
- Gutuma umugore arangiza vuba bitewe nuko gutwita bituma amaraso agera mu myanya myibarukio yiyongera
- Gutuma utiyongera ibiro cyane , burya abagore batwite baba bashobora kwiyongera ibiro ku buryo bukabije , ariko gutera akabariro bituma ibiro byoyongera ku kigero cyiza
- Bituma umugore n'umugabo barushaho kwiyumvanamo no gukundana , ibi bikagira ingaruka nziza ku mitekerereze y'umubyeyi no ku buzima bw'umwana uri mu nda
- Kuzamura ubudahangarwa bw'umubiri , ubushakashatsi bwakozwe mu mwaka wa 2014 , bwagaragaje ko gutera akabariro ku mugore utwite bizamura ubudahangarwa bw'umubiri we
- Gutera ibyishimo ku mubyeyi , ibi bikaba ari ingenzi cyane
Ni ryari umugore yakongera gutera akabariro nyuma yo kubyara ?
Nyuma yo kubyara .umubiri w'umubyeyi , uba ukeneye igihe gihagije cyo kwisubiza no gusubira mu mimerere isanzwe .
Ubundi ni byiza ko wongera gutera akabariro hashize iminsi 45 ubyaye , iki gihe nibwo igihe bita post partum kiba kirangiye , kandi ni ibisanza biba byararangiye kuza ,