.jpg)
Urubuto rwa Avoka rukungahaye ku ntungamubiri nyinshi cyane , kamdi buri ntungamubiri ifite akamaro kihariye ku mubiri wa muntu , cyane cyane mu mikorere y'umubiri no kuwurinda .
Hari intungamubiri nyinshi dusanga muri avoka kuva ku myunyungugu kugeza ku mavitamini byose dusanga muri Avoka kandi by'ingenzi ku mubiri
Dore intungamubiri dusanga muri Avoka n'akamaro kazo
Izo ntungamubiri ni izi zikurikira
1. Vitamini K
Iyi vitamini ifasha mu kuvira kw'amaraso (blood clotting ) no mu gukomeza amagufa
2.Vitamini C
Iyi vitamini ifasha mu kubaka ubudahangarwa bw'umubiri , mu kurinda uruhu no mu kongera collagen ku ruhu ituma ruhorana itoto
3.Folate
Ifasha mu kurema uturemangingo no mu mikorere y'umubiri muri rusange
4.Umunyungugu wa Potasiyumu
Potasiyumu ifasha mu gushyira ku kigero cyiza umuvuduko w'amaraso no gutera imikorere myiza y'umutima .
5.Vitamini E
Iyi vitamini ni nziza ku ruhu mu kongera ubudahangarwa bw'umubiri no mu gusukura umubiri
6.Vitamini B5
Iyi vitamini ifasha muri metabolisme y'umubiri no mu kugabanya stress
7.Vitamini B6
Iyi vitamini ifasha mu mikorere y'ubwonko , kuringaniza imisemburo mu maraso no mu kubaka ubudahangarwa bw'umubiri
8.Vitamini B3
iyi vitamini ni ikoreshwa mu igogora , ku ruhu no muri metabolisme
9.Vitamini B2
Iyi vitamini ikoreshwa muri metabolisme y'umubiri no ku ruhu rwa muntu
10. Vitamini B1
Iyi ni vitamini nziza mu mikorere y'imyakura yumva , mu gutera imikorere myiza y'umutima no muri metabolisme .
11.Fibre
Fibre zikoreshwa mu igogora no mu kugabanya ibiro by'umurengera
12.Omega-3
Ibi binure bikoreshwa mu mikorere myiza y'ubwonko no mu mikorere myiza y'umutima
13.Ibinure
Bikoreshwa mu gutanga imbaraga . no mu kurinda umutima
14.Umunyungugu wa karisiyumu
Uyu munyungugu ukoreshwa mu gukomeza amagufa no mu mikorere y'imikaya
15.Umunyungugu wa Fosifore
Uyu munyungugu ukoreshwa mu gukomeza amagufa no mu mikorere y'umubiri muri rusange
16.Umunyungugu wa manyeziyumu
Uyu munyungugu ukoreshwa mu mikorere y'imikaya , no mu gukomeza amagufa
17.Umunyungugu wa Zinc
Uyu munyungugu ukoreshwa mu kuzamura ubudahangarwa bw'umubiri , mu kuvura ibisebe no mu gutuma turyoherwa .
18.Umunyungugu wa Cuivre
Uyu munyungugu ukoreshwa muri metabolism no mu gusukura umubiri no kuwurinda
19. Umunyungugu wa Manganeze
Uyu munyungugu ukoreshwa mu gukomeza amagufa , no mu kurinda umubiri muri rusange
20 . Lutein na Zeaxanthin
Ni intungamubiri zifasha mu kurinda amaso , no mukuyarinda indwara ziyangiza ziterwa n'ubusaza