.jpg)
Hari impamvu zitera kumva ufite ubushake bwo kurya ku kigero kinini gikabije ,ku buryo ushobora kwibaza impinduka zabaye mu mubiri wawe ,ukabona si ibintu bisanzwe .
mu buryo busanzwe ,kuba wagira ubushake bwo kurya ni ibintu bisanzwe ariko hari igihe birenga ukumva bikabijr ,ugahora ushonje kandi ufite ubushake bwo kurya .
Dore impamvu zitera kugira ubushake bwo kurya ku kigero gikabije
hari impamvu zitandukanye zishobora gutera iki kibazo cyo kugira ubushake bwo kurya ku kigero gikabije zirimo
1. Stress
Stress ni kimwe mu bintu byongera ubushake bwo kurya ku bantu benshi ,ibi bigaterwa nuko iyo ufite stress umubiri wawe ,uvubura umusemburo wa cortisol kandi uyu musemburo uri mu yongera ubushake bwo kurya ku kigero kinini cyane.
2.Indwara y'agahinda gakomeye
burya kugira indwara y'agahinda bishobora kugutera kugira ubushake bwo kurya ku kigero kinini cyane . kugira appetit nyinshi bishobora no kuba ikimenyetso cyuko ufite iyi ndwara ariko hari n'abandi bagira ubu burwayi bakabura ubushake bwo kurya .byose bishyingira ku miterere y'umubiri w'umuntu.
3.Ibimenyetso bibanziriza ukwezi ku mugore
hari igitsinagore ,iyo kigiye kujya mu mihango bagira ubushake bwo kurya bwinshi ,ibi nabyo bigaterwa n'impinduka mu misemburo yuwo mugore cyangwa umukobwa.
4.Ingaruka z'imiti uri kunywa
hari imiti imwe n'imwe ishobora gutuma ugira ubushake bwo kurya ku kigero gikabije ,cyane cyane nk'imiti ya corticosteroids ,cyproheptadnes ndetse n'imiti ivura indwara zo mu mutwe.
5.Kuba utwite
burya ku mugore utwite cyane cyane inda imaze kuba nkuru cyangwa hashize iminsi mike atwite , ashobora kugira ubushake bwo kurya ku kigero gikabije .ibi nabyo bigaterwa n'impinduka mu misemburo yo gutwita no kuba umubiri w'umubyeyi ukeneye intungamubiri nyinshi ngo ubashe kugaburira umwana na nyina.
6.indwara ya Hyperthyroidisme
ni indwara ituma imvubura ya thyroid ikora cyane ,aho itera imikorere y'umubiri nayo yiyongera biturutse kuri uyu musemburo . ibyo bigatera kumva ufite ubushake bwo kurya ku kigero kinini cyane kugira ngo umubiri ubone intungamubiri zo gukoresha.
7.indwara ya Diyabete
indwara ya diyabete ishobora kurangwa no kugira ubushake bwo kurya ku kigero kinini ndetse no kugira inyota cyane ,ibi bigaterwa nuko umubiri uba ufite ikibazo mu kuringaniza isukari .
8.Indwara yitwa grave'disease
grave's disease ni indwara ituma imvubura ya thyroid ikora cyane ,ibi nabyo nibyo bitera kumva umubiri wawe ukeneye ibyo kurya ,ufite n'ubushake bwo kurya ku kigero kinini.
9.Bulimia
Bulimia bigereranywa n'uburwayi bwo mu mutwe aho umuntu agira ubushake bwo kurya ku kigero kinini ,aha umuntu ararya yarangiza akaba ashobora kwirutsa cyangwa agakoresha imiti ituma bya biryo yariye bisohoka .
Umusozo
muri rusange .hari impamvu nyinshi zitera gutuma umuntu agira ubushake bwo kurya ariko zose zigashyingira ku bintu bishobora gutera impinduka mu misemburo y'umubiri cyane cyane igenga ubushake bwo kurya .