Amavuta y'amamesa ni amavuta yari amenyerewe mu guteka ariko yagiye asimbuzwa amavuta y'igihwagari na soya ,ariko nubu hari abakiyakoresha bateka isombe ngo nibwo irushaho kuryoha ,ariko mu bihugu bimwe na bimwe byo muri Afurika .amavuta y'amamesa ni amvuta y'ibanze muyo bakoresha mu guteka kubera ko ahenduka kandi bakaba bashobora no kuyihingira no kuyitunganyiriza.
Amavuta y'amamesa nanone azwiho mu gukora isabune nziza ,ireta ikagira urufuro rwinshi ,hari ubushakashatsi bwagiye bukorwa bukagaragaza ko amavuta y'amamesa ashobora gutrra indwara z'umutima n'imitsi ariko hari n'ubundi bwinshi bwagiye bubivuguruza .
Amavuta y'amamesa akungahye ku binure ahanini ndetse anabonekamo vitamini E ku bwinshi ,kimwe n'ibyitwa antioxidant bifasha mu gusukura umubiri wa muntu no kuwusohoramo imyanda .
Dore akamaro ko kurya amavuta y'amamesa ku mubiri wa muntu
Burya hari ibyiza byinshi ukesha kurya amavuta y'amamesa birimo
1.Kunoza imikorere y'ubwonko
mu mavuta y'amamesa dusangami vitamini E ku bwinshi ,iyi vitamini ikaba ituma ubwonko bukora neza ,nanone izwi ku izina rya tocotrienol ikaba ifasha ubwonko mu kwirukana ibinyabutabire bibi bishobora kubwangiza ,igatuma kandi uturemangingi tw'ubwonko dukora neza ,ikaba ishobora no kugabanya ibyago byo kuba hari ibice byo mu bwonko byafatwa n'ikibyimba .
2.Kugabanya ibyago byo kuzahazwa no kwibasirwa n'indwara z'umutima
Hari ubushakashatsi bwakozwe ,nkuko bitangazwa n'ikinyamakuru cya webmed ,buza kugaragaza ko vitamini E iboneka mu mamesa igira uruhare runini mu kugabanya ibyago byo kwibasirwa n'indwara z'umutima.
3.Kongerera umubiri kwakira no kwinjiza vitamini A
Vitamini A ni vitamini ituma amaso abona neza kandi ikanayarinda uburwayi no kwangirika ,iyi vitamini umubiri ukaba ubasha kuyinjiza ari uko wayiriye mu biryo byashizwemo amavuta kubera ko ishyirwa mu cyciro cya vitamini zitwa fat soluble vitamins .
inyigo yakozwe yagaragaje ko kurya ibiryo byashizwemo amamesa byorohereza ,bikanafasha umubiri kuba wakamura vitamini A byoroshye uyikura muri bya biryo.
4.Kongerera abasirikari b'umubiri imbaraga
Kubera iriya vitamini E dusanga ku bwinshi mu mavuta y'amamesa kandi iyi vitamini nanone igira uruhare runini mu kongerera imbaraga abasirikari b'umubiri.
Ingaruka mbi zo kurya amavuta y'amamesa
hari ingaruka mbi zo kurya amavuta y'amamesa zirimo
1.Kongera mu mubiri ibinure bibi bya koresiteroli
ibinure byo mu bwoko bwa koresiteroli bitera ibibazo bitandukanye birimo gufungana kw'imitsi itwara amaraso ,ikazibiranywa nabyo ,
ubushakashatsi bugaragaza ko koko amavuta y'amamesa ashobora kongera ibi binure bibi mu mubiri ariko nako burya bishobora gutera ibibazo byo gufungana kw'imitsi itwara amaraso.
2.Kuzibiranya imitsi bitewe n'ibure bituruka ku mamesa
kurya amavuta y'amamesa yatetswe ,ukongera ukayakoresha yo arushaho ku kongerera ibyagio byo kuba ibinure bibi byaba byinshi mu maraso ,bityo imitsi yawe ikazibiranywa nabyo, ni byiza ko aya mavuta yakoreshwa rimwe gusa.
Muri rusange ,mu gihe amavuta y'amamesa yakoreshejwe rimwe ,akanatekwa atari menshi cyane mu biryo ,nta bibazo bihambaye ashobora guteza ndetse ingaruka zayo zishobora ku ngana nuko wakoresha andi mavuta asanzwe ,ingaruka mbi zose ziterwa n'amamesa ziva ku kuba akungahaye ku binure byinshi cyane.