Umurwayi wo mu Bwami bw’Ubwongereza amaze iminsi hafi kimwe cya kabiri cy’umwaka afite ibimenyetso bya Covid-19 .
Dr Luke Blagdon Snell ,Inzobere mu buvuzi ikorera mu kigo cya Guy’s&St Thomas NHS Foundation Trust avuga ko uyu ariwe murwayi wa mbere umaranye ibimenytso bya Covid-19 igihe kirekire.
Uyu muganga ndetse n’irindi tsinda ry’abaganga bakoze ubushakashatsi ku ndwara zandura ,ubu bushakashatsi bakoze bwibanda ku mihindagurikire mu miterere y’udukoko dutera uburwayi ,bukaba bwarakozwe hibandwa ku barwayi ba Covid-19 bamaranye ubu burwayi igihe kirekire kigera ku byumweru 8 gusubiza hejuru harimo n’uyu murwayi wo mu bwongereza.
Aba barwayi bagiye bamarana igihe kirekire ibimenyetso bya Covid-19 bose bahuriraga ku kuba bafite indwara n’ibindi bibazo bishegesha ubwirinzi bw’umubiri nka kanseri ,Sida nizindi…
Imyirondoro yaba barwayi bose yagizwe ibanga kubwo kubabikira ibanga ndetse no kwanga ko imyirondoro yabo yakwirakwira muri rubanda.
Muri aba bakoreweho ubushakashatsi hari abakiraga uburwayi bwa Covid-19 ariko bagakomeza kugaragaza ibimenyetso iyi nzobere mu buvuiz Dr Snell avuga ko ibi biterwa nuko virusi yanduye iba yarahinduye imiterere aribyo yise viral replication.
Mu gupima aba barwayi hifashishwaubuhanga bushobora kureba uturemangingo twa virusi (viral sequence)aba barwayi babaga bafite aho byagaragaye ko buri nshuro bapimwaga basangaga virusi bafite mu miterere yazo zarahindutse bivuze ko bwabaga ari ubundi bwoko bwa Virusi aribyo bita Variant cg Mutants.
Ubu bushakashatsi bwakozwe na Dr Snelll busoza buvuga ko hari abantu benshi baba bafite ibyago byo kumarana ibimenyetso bya Covid-19 igihe kirekire ,ibi bikaba bigomba guhabwa umwanya ndetse hakarebwa n’ubuvuzi bwiharite ku bantu nkaba.
Izindi nkuru Wasoma
Nyuma yo gukiruka indwara ya Covid-19 ,uwayirwaye ubwonko bwe buragabanuka mu ngano no mu bunini