Ishami ry’umuryango w’abibumbye rishinzwe ubuzima rya OMS riratanga impuruza ko virusi nshya yakomotse kuri Omicron igahabwa izina rya Omicron Ba.2 kubera ko ifatwa nk’icyana cya Omicron ,irimo gukwirakwira no kwiganza cyane kandi ifite ubushobozi bwo gukwirakwira kurusha Omicron ikomokaho.
Muri raporo yaryo ,iri shami ry’umuryango w’abibumbye rya OMS rivuga ko ubwandu bushya bwa Koronavirusi bukomeje kwiyongera cyane ,mu mibare mishya y’abandura bigaragara ko ubwandu bushya bwiyongereye ku kigero cya 7% mu cyumweru kimwe aho ubwandu bwinshi buboneka mu bihugu by’iburengerazuba (Amerika n’Uburayi).
Iri shami riratangaza ko ibihugu bikwiye kugenzurira hafi ,iki cyorezo ndetse aho bishoboka amabwiriza yo kwirinda agashyirwamo ingufu ,Iyi virusi ya Omicron BA.2 ubu yiganje ku kigero cya 86% cy’ubwandu bwose bwa koronavirusi buri ku isi ,ni ukuvuga ko iyi virusi yiganje kuri iki kigero mu bantu barwaye.
Iy virusi ya Omicron BA.2 ifite ubushoboi bwo kwandura no gukwirakwira ku buryo bworoshye kurusha izindi virusi ndetse akaba ari nayo mpamvu yiganje hirya no hino .
Iri shami rivuga ko mu cyumweru babona abarwayi bashya ba Covid-19 barenga miliyoni 12 ,bakaba bangana na 7% ,muri aba bandura abagera ku bihumbi cumi na bitatu bahitanwa nayo ,nubwo bwose Umuryango w’abibumbye uvuga ko imfu za Covid-19 zagabanutse ariko haracyaboneka abantu benshi iki cyorezo kirikuvutsa ubuzima.
Guhera mu kwezi kwa mbere .imibare y’abandura yatangiye kugabanuka ,bikaba bikekwa ko bayaterwaga n’umubare munini w’abantu bakingirwa ,ndetse n’amabwiriza yo kwirinda yashyizweho ariko muri iyi minsi imibare ikaba yongeye kuzamuka cyane cyane mu bihugu by’Uburayi na Amerika
Mu bihugu nka Ubufaransa ,Ubudage ,Ubwongereza ,Ubutaliyani ,amabwiriza ya kwirinda koronavirusi yari yarorohejwe ku buryo bugaragara ariko naho ubwandu bwongeye kuzamuka ku buryo buteje inkeke ,nyuma y’igihe kirekire igihugu cy’ubushinwa nacyo cyongeye gutangaza ko hari umuntu wahitanywa na Covid-19 .