nkuko ibinyamakuru bitandukanye byanditse ,Umuhanzi wamamaye ku izina rya Jay Polly waririmbaga mu njyana ya Hip Hop yitabye Imana mu rukerera rwo kuri uyu wa kane ,tariki ya 2 ukwezi kwa cyenda 2021 ,akaba yapfiriye mu bitaro bya Muhima ,aho yajyanywe ikitaraganya avuye muri Gereza ya Mageragere.
Jay Polly akaba yari umuhanzi kunzwe ndetse waririmbye indirimbo nyinshi zigakundwa na benshi,akaba yitabye Imana nyuma yo gufungwa ,akekwaho gukoresha ibiyobyabwenge
Nkuko byatangajwe n'ikinyamakuru ,igihe bivugwa ko urupfu rwa Jay Polly rwaba rwatewe no kunywa ibinybwa by'ibikorano ,we n'abagenzi be ,bagenzi be bakaza gukira ,we agakomeza kubabara mu nda aribwo yajyanywe ikitaraganya ku bitaro ,akaza kuapfira nyuma yo kwakirwa muri Serivisi y'indembe .
Jay Polly yabarizwaga mu itsinda rya Tuff Gang kimwe n'abagenzi be ariko ntibyamubujije gukora wenyine ndetse akanakundwa n'abatari bake ,Buretse ku kazi ke ko kuririmba ,Jay Polly yari umushoramari ndetse akanakora ibijyanye nubugeni.
Mu mwaka wa 2018 ,yaje gufungwa azira gukubita no gukomeretsa umugore we ,aho yakoze igifungo kingana n'amezi atanu akaza kurekurwa
Mu kwezi kwa kane 2021 ,yongeye gufungwa azira gukoresha ibiyobyabwenge ndetse akatirwa iminsi 30 yo kuba afunzwe mu gihe ataraburana ,akaba yari ategerejwe mu rukiko tariki ya 2ukuboza 2021 ,akaba yitabye Imana akiri muri Gereza aho yari ategereje kuburanishwa.
Jay Plly akaba yaravutse tariki ya 5 Nyakanga 1988 Avukira mu mujyi wa Kigali ,Gikondo ,akaba yari umugabo wubatse ,akaba yaratangiye ibikorwa byo gukunda umuziki mu gihe yari muto cyane .amazina ye yiswe yari Tuyishime Joshua.
Ku mbuga nkoranyambaga ,abantu batandukanye bamwifurije Iruhuko ridashyira ndetse bagaragaza urukundo rwinshi bari bafitiye uyu muhanzi
Ku rubuga nka whatsapp, abantu bagiye bahererekanya zimwe mu ndirimbo zitandukanye yaririmbyemo ndetse tugaherekezwa n'amagambo y'agahinda.
R.I.E.P to him, ubanza koko nta myaka ijana🙅🙅🙅🙅
ReplyDelete