Sobanukirwa:Ubusembwa bwa Anencephaly aho umwana avuka abura amwe mu magufa y’umutwe

byGatabazi Jean Sauveur -May 12, 2021

2

Nkuko tubikesha urubuga rwa healtline ruvugako Anencephaly ari ubusembwa cyangwa ubumuga umwana avukana aho usanga igufwa ryo mu mutwe ahagana hejuru riba ritariho ndetse n’igice cy’ubwonko cya Cerebellum kitarimo cyangwa cyarakuze nabi ugereranije n’abandi bana.

Iki gice cya Cerebellum ni igice gishinzwe kumva ,kureba ,kuryoherwa,gutekereza no kugenda.

Ubu busembwa butangira umwana ari mu nda mu gihe akiremwa ,bigatangirira ku cyumweru cya kane umwana akimara gusamwa,hanyuma ibice by’ubwonko ntibikorwe neza nk’ibindi bice by’umubiri

Ikigo cy ‘Amerika gishinzwe ubuzima CDC kivuga ko Abana batatu ku bana ibihumbi icumi,bashobora kuvukana iki kibazo cya anencephaly.abagera kuri 75% muribo bavuka bapfuye nao abandi basigaye bapfa bamaze igihe gito bavutse.

Ariko ahanini iki kigo kivugako abana bensi bafite iki kibazo inda zabo zivamo bitaranamenyekana ko bagifite.

Impamvu zitera ubusembwa bwa anencephaly

Mu mpanvu zikekwa ku gutera iki kibazo harimo:

1.Ibibazo mu turemangingo sano

Biba bishoboka ko iyangirika ry’uturemangingo tugena amasano ryatera iki kibazo

2.Umubyeyi wahuye n’ibintu byuzuyemo uburozi byaba ibinyobwa ,ibiribwa ,imyuka yanduye n’ibindi

Ubushakashatsi buvuga ko imyuka yanduye isobora kuba intandaro y’iki kibazo ariko haracyakorwa ubucukumbuzi no barebe neza uburozi butera iki kibazo.

3.Umubyeyi wauye cyane n’ubushuhe bukabije mu gihe atwite inda nto nk’ubushuhe bwo muri Sauna

Ubushuhe bwinsi busobora kwangiza ubwonko bw’umwana uri kuremwa mu nda cyane cyane mu minsi ya mbere.

4.ubushakashatsi bwakozwe na Clinic ya Clevelland bwagaragaje ko gufata imiti ivura Diyabete bishobora gutera iki kibazo

5.Kutanywa imiti yongera amaraso mu gihe utwite

Imiti yongera amaraso ku mubyeyi utwite ifasha mu kuremwa ku bwonko bw’umwana uri mu nda bityo bikanarinda ubusembwa bwa anencephaly

Ibimenyetso biranga umwana ufite ubusembwa bwa Anencephaly

Ikimenyetso cya mbere nuko umutwe uba ubura igufwa ryohejuru ku mutwe cyanwa ahagana mu mpanga

Umutwe uba ubwase cyane ukabona ko ari hari icyo uburao niyo waba uri kure urabibona

Ubwonko bw’umwana buba butameze neza ari ibice bubura nka cerebellum cyangwa ibyo bice bituzuye.

Aba afite amatwi yigondagonze ubona ko ari ibintu bidasanzwe

Abana bavukanye ikibazo cya anencepaly bakunze no kuira ibibazo by’umutima

Uko bamenya ko umwana afite ikibazo cya anencepaly

Kubera ao iterambere mu rwego rwubuvuzi rigeze ubu biroroshye kumenya imiterere y’umwana uri mu nda ndetse no kumenya ko afite iki kibazo ataravuka hifasishwa

1.Gupima amaraso

Iyo bapimye amaraso y’umubyeyi utwite umwana ufite ikibazo cya anencepaly basana harimo proteyine yo mu bwoko bwa alpha Feto-protein iri hejuru cyane

2.ukora icyo bita amniocentesis

Aha bafata amazi umwana aba aryamyemo mu gihe ari mu nda agapimwa hanyuma bakabasha kuvumbura ibibazo afite ataranavuka.

3.Gukoresa icyuma bita echographie

Echographie ni imasine ikoresha ibimeze nka ma wave cyangwa ama onde kugira no babashe kureba umwana uri mu nda,iyi masini ibasha ukurura ibimeze nka amafoto ndetse ikanareba n’ubundi bumua umwana yavukana.

Uko wakwirinda ubu busembwa

Biragoye kuba wakwirinda ibi bibazo byose ariko ni byiza kurya ibiryo bikungaye ku myunuu ya Fer cyanwa ukanywa imiti yongera amaraso ya Folic acid mu gihe utwite cyangwa mu gihe ubiteganya vuba

Kuko bifasha mu kuremwa ku bwonko bw’umwana kandi bikanamurinda ubundi busembwa ashobora kuvukana

Kwirinda gukoresha inzoga n’ibiyobyabwenge mu gihe utwite