Uyu munsi tariki ya 3 Werurwe 2021,Minisiteri y'ubuzima yasohoye itangazo rivuga ko u Rwanda rwakiriye inkingo za mbere za COVID-19 muri gahunda ya COVAX yashizweho na OMS mu rwego rwo gusaranganya inkingo za COVID-19
Ku ikubitiro u Rwanda rwakiriye inkingo zigera kuri 240.000 z'urukingo rwa AstraZeneca rwakozwe n'abongereza .izi nkingo zikaba ari nziza mu buryo bwo gutwarwa ,kubikwa bitabaye ngombwa ko hakenerwa ibikoresho bihenze.
Hakaba kandi hitezwe izindi nkingo za COVID-19 zigera ku 102.960 z'urukingo rwa Pfizer rwakozwe n'ikigo cya Pfizer gifatanyije na Biontech
Izi nkingo zombi ,umuntu azajya aterwa inshuro ebyiri ni ukuvugako umuntu agomba guterwa Dose ebyiri ,bikaba biteganyijwe ko ku ikubitiro izi nkingo zizahabwa abantu 171.480 bari mu cyiciro cy'abazahazwa na COVID-19 ndetse n'abandi bafite ibyago byinshi byo kwandura Covid-19 ni ukuvuga abakora kwa muganga ,abantu barengeje imyaka 65 bakaba banafite ubundi burwayi ndetse n'abandi bose bakora imirimo ibashyira mu kaga ko kuba bakwandura.
