Kuva ubutegetsi bwa Joe Biden na Kamala Harris bwatangira ,Amerika yashize imbaraga nyinshi mu guhangana n'icyorezo cya koronavirusi ,bitandukanye n'ubutegetsi bwa Donald Trump wagiye ukerensa iyi virusi ,akayita virusi y'abashinwa ndetse akaba yaranenzwe kuba yarajenjetse iki cyorezo kigahitana abantu benshi muri Amerika ndetse kinarushaho gukwirakwira.
Uyu munsi nibwo Ubutegetsi bwa Joe Biden bwatangaje ko bamaze gukingira abarenga miliyoni 50 ,hakaba hagiye gutumizwa udupfukamunwa turenga miliyoni 25 ,ndetse n'inkingo zigera kuri 14,5 zizajya zitangwa buri cyumweru ,ndetse ubu butegetsi buvuga ko hari amasite menshi yagenewe gukingiriraho yarafunguwe ku buryo yegereye abaturage.
Ibi bitangajwe nyuma yaho Amerika imaze gupfusha abarenga ibihumbi magana atanu na cumi na bibiri (512K) ,abarenga miliyoni 28 bagaragaweho niki cyorezo aho Leta ya California iza ku mwanya wa mbere n'abamaze kwandura bangana na miliyoni eshatu na magana atanu ,naho abagera ku bihumbi mirongo itanu na kimwe na magana cyenda mirongo icyenda n'abarindwi muri iyi leta cyarabahitanye
Perezida Joe Biden yashizeho gahunda yo kunamira abanyamerika bahitanywe n'iki cyorezo mu gihugu hose kandi yagiye igaragaza imbaraga nyinshi mu guhashya iki cyorezo cya koronavirusi